قصة حقيقة وليست من نسج الخيال!!!
بقلم: سارية العمري
يكلك وزير الصحة الجديد، من استلم الوزارة استلم وياها 25 مستشفى في بغداد مع كافة أطقمها الإدارية والطبية لهنا وخوش ،، بعد ما ادى اليمين وحلف بالعباس يصون الأمانة طلب من وكيل الوزارة مالته يطلع وياه يسوون جولة ع المستشفيات التابعة اله وقرر انو يبدي جولته بالمستشفيات الجديدة لان عديلة حمود سلمته ثلاث مستشفيات جديدة مكتملة وهي ( مستشفى القلب المفتوح بالزعفرانية وعقد بنائها 240 مليون دولار وكادرها 340 موظف من ومستشفى الفضيلية التعليمي بكلفة 110 مليون دولار وكادرها 210 موظف من ومستشفى بغداد في التاجي بكلفة 56 مليون دولار وكادرها 65 موظف ) اول مرة راح للزعفرنية يدور ع المستشفى مالكاها طبك يم المرور ساله كله اطلع گبل وراح تلكاها كدامك ، وصل لگة قطعة ارض مسيجة ببلوك بيها مولد زغير وكرفان مال الحارس اسمه ابو شمخي !! رجع على مستشفى الفضيلية لگة حجر الأساس وبصفة جاموسة ومرة تبيع گيمر اااخ بطني هههههه ،،، صعد عنده الضغط وراح لمستشفى التاجي لا لگة حارس ولا حجر أساس ولا حتى جاموسة !! رجع للوزارة لگة الموظفين وعددهم 560 موظف يستلمون رواتب بعنوان اداري وطبي وبهذه المستشفيات الفضائية ، لطم على راسة وصاح بعالي الصوت هيهات منا الذلة ،، وعلي وياك علي ،، وقدم استقالة لرئيس الوزراء بس النكتة القوية انو عادل عبدالمهدي كالة ليش تستقيل دز على الدكتورة عديلة حمود واسأله عن الموضوع ههههههههههههه وروح كل غالي هاي المعلومة صحيحة 100% بس حادثة العبارة طمطمت السالفة !!!
